O fotógrafo Sindo Novoa vai mostrar na Casa da Cultura de Chantada a súa exposición “Un día na rapa das bestas“. A obra, de carácter didáctico, retrata os diversos momentos que se viven en Galicia na festividade da Rapa das Bestas.

A obra inaugurarase o venres día 1 de xuño ás 20:00 horas e poderá ser visitada de balde durante todo o mes en horario de 10:00 a 14:00 horas e de 16:00 a 20:00 horas de luns a venres, os sábados de 11:00 a 14:00 horas e de 17:00 a 19:00 horas e os domingos de 11:00 a 14:00 horas.