InicioCulturaPrimeiras actividades do ‘Mes do Amandi’ en Sober

Primeiras actividades do ‘Mes do Amandi’ en Sober

A programación deste ciclo encherá de actividades as semanas previas á celebración da Feira do Viño de Amandi. Esta fin de semana, concerto de saxofóns e xornadas sobre ornitoloxía.

Publicado o

- Advertisement -

Este sábado 23 o Concello de Sober organiza un concerto de saxofóns do grao superior do Conservatorio de Música de Ourense. A actuación celebrarase ás 20:00 h. no Centro Sociocultural da localidade e a entrada será de balde.

Os protagonistas son 18 músicos, rapaces e rapazas con idades comprendidas entre os 12 e os 19 anos. Ao rematar convidarase aos presentes a un viño.

Tamén en Sober, terán lugar as I Xornadas Ornitolóxicas organizadas polo GDR Ribeira Sacra Caurel, neste caso en sesións ao longo do sábado 23 de marzo pero tamén en sesión matinal o domingo 24.

A ornitoloxía empeza a verse un reclamo máis para atraer visitas á Ribeira Sacra. Esta actividade vai nesa liña, poñendo ademais en valor o hábitat tan propicio na zona para atopar paxaros en gran número e variedade.

En canto ás xornadas, de inscrición previa e gratuíta, o programa para o sábado 23 é o seguinte:

9:30h. Recepción de participantes.

10:00h. Apertura das xornadas polo GDR Ribeira Sacra-Courel.

10:30h. A Zona de Especial Protección dos Valores Naturais (ZEPVN), Canón do Sil e contorna. Falará Álvaro Barros.

11:15h. As catro estacións na observación das aves no Canón do Sil, charla que corre a cargo de Óscar Rivas.

12:00h. Pausa-Café.

12:30h. Rapaces e especies rupícolas emblemáticas do Canón do Sil, tamén tendo a Óscar Rivas como ponente.

13:15h. A ornitoloxía como fonte de riqueza: o turismo ornitolóxico. Tratará este tema Antonio Sandoval.

14:00h. Pausa para o xantar.

16:30h. Ruta guiada pola contorna e observación ornitolóxica. Con Antonio Sandoval.

18:30h. Fin da xornada.

O domingo 24, en sesión matinal e como remate das xornadas, o programa será o seguinte:

7:00h. Instalación de redes para o anelamento científico de aves.

8:00h. Xornada de anelamento. Obradoiro práctico. Os encargados desta formación serán Cristina Maestro e Alberto Monteagudo.

11:00h. Pausa-Café.

11:30h. As caixas-niño. Utilidade, modelos, construción e materiais. A cargo de Carla Soaje.

12:15h. Obradoiro práctico de elaboración de caixas-niño. Os formadores serán Carla Soaje e Daniel Anido.

14:00h. Fin da xornada.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...