A concentración da Selección Española, que se realizará a partir do 16 ao 22 de xuño no Centro de Alto Rendimento de Sant Cugat, estará dirixida polo actual Seleccionador nacional Pascual Saurín e nela estarán varias xogadoras máis da Concentración Permanente e xogadoras que actualmente están xogando a Liga Europea absoluta.
Carolina será a xogadora máis nova de todas as convocadas nesta ocasión polo Seleccionador Nacional -ten agora 15 anos-, un feito que reflicte a confianza na quiroguesa e que representa para esta un paso máis na súa brillante traxectoria deportiva.
Na concentración de Sant Cugat xogaranse varios encontros con outras seleccións para ir axustando ao equipo novas xogadoras e integralas de cara ao futuro.
A convocatoria de Camino significa un recoñecemento máis tamén para o club monfortino que leva aportado xa moitas xogadoras, tanto á Selección Absoluta como á Concentración Permanente.
