InicioDeportesCarolina Camino e Anier Mariño orgullosos de fichar polo Emevé de Lugo

Carolina Camino e Anier Mariño orgullosos de fichar polo Emevé de Lugo

A presentación dos novos xogadores do Club Arenal Emevé de voleivol tivo lugar días atrás no Centro Comercial As Termas. No acto para a prensa falaron a presidenta do club, os rapaces e o deputado provincial de deportes da Deputación de Lugo.

Publicado o

- Advertisement -

A presidenta do Club Arenal Emevé, Bibi Bouza, fixo unha presentación previa das novas fichaxes. Dixo que coa quiroguesa Carolina Camino estaban moi orgullosos polo seu palmarés, que aínda sendo tan nova está na 2ª tempada da selección permanente e tamén foi convocada para formar parte da selección absoluta. Lembrou tamén a súa formación no C.V. Ribeira Sacra e o traballo do seu preparador Manolo Martínez.

De Anier Mariño destacou a súa altura aínda sendo tan novo, que foi formado no Club Korbis de Monforte e que era un orgullo tamén poder crecer amparados pola calidade deste novo xogador.

“Estou moi contenta de formar parte deste club porque eu creo que cos fichaxes temos bo equipo, e este primeiro ano que ficho por un equipo novo quero ter a oportunidade de xogar aínda nun equipo galego e ganar o campionato de España” comentou Carolina Camino antes de dar as grazas ao club por confiar nela.

O monfortino Anier Mariño dixo estar moi contento de xogar este ano no Emevé e engadiu que “creo que é o mellor equipo a nivel de Galicia, quero ganar o campionato de España cadete e o campionato galego xuvenil”.

Efrén Castro, Deputado Provincial de Deportes, deulles a benvida ao equipo e destacou o esforzo económico da Deputación con clubs como o Emevé que son de elite. Recoñeceu estar  orgulloso non só por apoiar a este club senón tamén porque “a aposta non queda só en Lugo se non que se converte nun referente para toda a provincia”.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...