A competición desenvolveuse no río Tea, en Ponteareas ao longo da mañá deste domingo 13 de xuño. Foi a primeira oportunidade para varios dos piragüistas máis novos do club monfortino e todos e todas renderon a un moi alto nivel, froito do cal acadaron o primeiro posto por equipos –-de segundo quedou o Club Tea de Mondariz, e de terceiro O Deportivo Miño Os Teixugos de Tomiño–.
O balance para o Club Quixós, espectacular, 13 medallas individuais e a copa polo triunfo colectivo. Así se repartiron as medallas:
En K1 Muller Alevín Sara Inés Varela e Mara Ledo foron segunda e terceira respectivamente; en K1 Muller Infantil Nerea Gutiérrez quedou primeira; en C1 Home Alevín Martín Prats primeiro; en C1 Home Infantil Jacobo Rodríguez quedou en segunda posición; en C1 Muller Alevín Sara Inés Varela e Mara Ledo quedaron segunda e terceira; en C1 Muller Infantil Nerea Gutiérrez recuncaba con outro ouro; en K1 Home Prebenxamín Antón Liñares levou o ouro e Marco Rodríguez o bronce; en K1 Home Benxamín Xoel Fernández foi primeiro; en K1 Home Alevín Martín Prats recuncaba con outro ouro; e en K1 Home Infantil Jacobo Rodríguez fíxose coa victoria.
A crónica completa da proba podedes seguila na páxina da Federación Galega de Piragüismo.
