Fin de semana de éxitos para o Club Korbis que, unha vez finalizadas as eliminatorias clasificatorias para as fases finais dos Campionatos Galegos, certificou a clasificación de seis equipos e mantén a posibilidade de aumentar ese número co cadete feminino. En categorías inferiores tamén se logrou a clasificación de dous equipos en categoría benxamín.
Os equipos infantís feminino e masculino clasificábanse o sábado pola mañá, superando por 3-0 ao CV Pontevedra. Pola tarde, nun dobre enfrontamento, fíxoo o cadete masculino vencendo por dous inapelables 3-0 ao CV Vigo, que se unía ao junior masculino xa clasificado.
O domingo as xuvenís vencían a CV Ourense por 3-1 e as senior ao Black Volei Vigo por un claro 3-0 completando un pleno histórico.
Para os Campionatos Galegos o CD Korbis terá os infantís masculino e feminino; en cadete, o masculino, á espera de que o feminino remonte o 3-0 adverso co CV Ourense; en xuvenil estarán as mulleres, do mesmo xeito que en categoría senior. Se o equipo cadete feminino remonta, o Korbis converteríase no club de Galicia que máis equipos levaría ás fases finais en Primeira división.
