O Neka Monforte viaxa coa axuda da Vicepresidencia da Deputación ao Campionato do Mundo de Taekwondo que se celebra en Corea

Efrén Castro visitou ao Neka Monforte, que prepara a viaxe a Corea de oito deportistas para participar no Campionato do Mundo de Taekwondo que se celebra do 21 ao 24 de abril.

Neka Monforte / Vicepresidencia Deputación

Aitor Teijeiro Elidio, Lucía Roca Rodríguez, Karla Novo Taboada, Laura Álvarez Suárez, Marco García Martínez, Daniel Areán Grejs, Alejandro Losada Rodríguez e Carlos Rey Cuadrado sairán o vindeiro martes, 12 de abril, rumbo a Corea onde competirán en seis categorías de modalidade técnica, marcando así un fito na historia do club monfortino, creado en 1996 por José María Vega Sánchez.

O deputado de Deportes asistiu a un dos últimos adestramentos dos mundialistas -de Monforte e Taboada-, que recibirán unha achega da Vicepresidencia da Deputación de Lugo para facer fronte aos gastos de desprazamento.

Efrén Castro felicitounos polo “traballo feito para conseguir un oco entre a elite do taekwondo mundial” e trasladoulles “o apoio da área de Deportes de cara a cita en Corea”.

DEIXAR UN COMENTARIO

Please enter your comment!
Please enter your name here