As semifinais disputáronse pola mañá; o Arenal Emeve impúxose por un claro 3 a 0 ao Ribeira Sacra; a continuación o Korbis e o Calasancias disputaron un igualadísimo choque no que se tiveron que disputar os cinco sets e que caeu ao lado das coruñesas.

Na loita pola terceira praza e a clasificación para o Campionato de España o Korbis derrotou por 3 a 1 ao Ribeira Sacra nun disputado partido que abarrotou de público o pavillón da Pinguela.

O CD Korbis clasifica así a outro dos seus equipos para o campionato de España, estas únense aos dous equipos infantís con praza xa garantida. As xuvenís dirixidas por Roberto Castro viaxarán a Las Palmas de Gran Canaria para disputalo.