InicioDeportesA monfortina Saray González chamada pola Real Federación Española de Voleibol

A monfortina Saray González chamada pola Real Federación Española de Voleibol

A xogadora cadete Saray González foi chamada pola Real Federación Española de Voleibol para formar parte a vindeira tempada da Concentración Permanente de Soria.

Publicado o

POR
Redacción
- Advertisement -

Con Saray González son xa 10 xogadoras as que o Club Voleibol Ribeira Sacra ten achegado á Permanente de Soria sendo as máis recentes Antía Rodríguez, que actualmente estuda e é xogadora profesional de voleibol en Estados Unidos, e a quiroguesa Carolina Camino que xoga en Superliga no Club Arenal Emeve.

“Esta traxectoria, e que a Federación Española fixase unha vez máis nas nosas xogadoras é sinónimo do gran traballo que se está realizando tempada tras tempada por parte do club e os seus adestradores”, sinalan dende o club.

Saray González empezou no club sendo alevín e medrou como xogadora da man de grandes adestradores como Verónica Contreras, a súa primeira adestradora, pasando por Manolo Martínez e Laida Alvarado, ata a súa actual adestradora Yoraxy Melean.

Desde o Club Voleibol Ribeira Sacra amosan a súa satisfacción e orgullo pola chamada de Saray e trasládanlle os seus mellores desexos para que esta oportunidade consolide a súa paixón polo voleibol e “sexa un trampolín para chegar tamén a ser unha xogadora profesional”.  

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...