HomeDeportes9 medallas e un 2º posto por equipos para o Quixós

9 medallas e un 2º posto por equipos para o Quixós

Balance máis que satisfactorio tras competir no Rosal este pasado domingo na Copa Galega Promoción Slalom.

Publicado o

POR
Redacción
- Advertisement -

O Club monfortino de piragüismo Quixós achegouse ao Rosal este pasado domindo, 10 de xullo, para participar nunha nova proba da Copa Galega Promoción Slalom.

A expedición, conformada por padeeiras e padeeiros das categorías inferiores do club, volveu de terras pontevedresas con 9 medallas individuais, tras colocar no podium a outras/os tantos deportistas, e 1 medalla por equipos ao acadar o 2º posto na clasificación xeral.

Cómpre destacar tamén que nesta ocasión competiron algúns rapaces e algunhas rapazas por primeira vez. Trátase, loxicamente, de ir incorporando á competición a máis deportistas que van alcanzando un nivel óptimo para que vaian collendo práctica na dinámica competitiva.

AS MEDALLAS

Nesta ocasión subiron ao podium as/os seguintes deportistas do Club Quixós:

Sara Inés Varela acadou un ouro en K-1 e unha prata en C-1 infantil; Edgar Álvarez tamén volveu a Monforte con dous metais, un ouro en K-1 e unha prata en C-1 alevín; Abril Fernández foi primeira en K-1 prebenxamín; Mateo Valladares acadou outro ouro na categoría de K-1 prebenxamín; Martín Prats foi prata en K-1 infantil; e para rematar, na categoría de K-1 benxamín dous padeeiros do club alcanzaron o podium, Xoel Fernández foi ouro e Antón Liñares bronce.

Por equipos, o Quixós quedou na segunda posición detrás do Tea Mondariz.

Foto de familia cos deportistas e algúns irmáns. Foto: XMF

ÚLTIMAS

José Tomé Roca revalida a Secretaría Xeral do PSdeG de Lugo

Tomé Roca logrou 801 votos fronte aos 585 obtidos por Iván Castro, Deputado Provincial...

Case mil persoas participaron este domingo na XV Carreira Popular Concello de Monforte

O número de inscritos na XV edición da Carreira Popular de Monforte de Lemos,...

O Quixós volve de Portugal como subcampión galego en ‘Promesas Slalom’

Un novo éxito para o Club de piragüismo Quixós de Monforte, nesta ocasión no...