InicioDeportesSarria volverá vibrar co seu espectacular ‘Descenso Urbano’

Sarria volverá vibrar co seu espectacular ‘Descenso Urbano’

A competición chega este ano á súa novena edición, tras dous anos de parón por mor da pandemia, e encherá a vila entre participantes, acompañantes e visitantes esta última fin de semana de xullo.

Publicado o

- Advertisement -

Disque o circuíto deseñado en Sarria para realizar este descenso en bicicleta é un dos mellores de España, e segundo a organización este ano terá un percorrido espectacular con ramplas e atrancos espectaculares.

Esta fin de semana, días 30 e 31 de xullo, poderanse ver en acción na vila de Sarria uns 200 deportistas amantes desta modalidade de ciclismo extremo chegados de toda España.

Esta competición está organizada polo club DHGalicia –DHGTEAM–, club fundando no 2011e cunha traxectoria importante ás súas costas organizando eventos en disciplinas como o Mountain Bike, o Enduro, Downhill, Dirtjump, etc, e conta coa colaboración do Concello de Sarria e máis da Vicepresidencia da Deputación de Lugo e da Xunta.

O descenso urbano comezará o sábado 30 pola mañá cos adestramentos do Mini Descenso Urbano no que participarán os máis pequenos; de 9:30 a 11:00 h. serán os adestramentos e ás 11:15 h. a carreira. Ás 14:00 h. entregaranse os premios.

Pola tarde, adestramentos xa do DHU Vila de Sarria DHGTEAM –BTT Descenso– entre as 17:00 e as 21:00 h. E xa o domingo 31 de xullo a xornada grande con adestramentos pola mañá, entre as 10:00 e as 14:00 h. e xa a competición en dúas mangas entre as 16:00 e as 18:30 h. O peche da competición e a entrega de premios será ás 19:00 h. Como novidade, a competición da tarde será retransmitida pola TVG.

No que respecta ao percorrido, o punto de partida é o Campo da Feira para a continuación baixar pola Rúa Maior, a Escalinata Maior, o cruce da Avenida, Diego Pazos e Toleiro. O remate, no paseo do Malecón.

ÚLTIMAS

Monforte estrea novo furgón de atestados para a Policía Local

O Alcalde de Monforte, José Tomé Roca, presentou o novo furgón de atestados para...

Redes Lilas visibiliza en Sober ás mulleres asasinadas en España no último ano

Esta semana tivo lugar a terceira actividade da programación feminista de 'Redes Lilas', proxecto...

Concerto do violonchelista Carlos Vidal, o 14 de abril en Sober

O músico, Carlos Vidal, ofrece o domingo, día 14, un concerto de violenchelo en...

María Vázquez será ‘pregoeira na súa terra’, na XXI Festa da Carne ao Caldeiro

O domingo 14 de abril terá lugar unha nova edición da Festa da Carne...