Entrega de trofeos da IV Milla Urbana Monforte

O Alcalde de Monforte, José Tomé Roca, acompañado polo Concelleiro de Deportes, José Manuel Mougán, entregou os trofeos da IV Milla Urbana Monforte de Lemos.

Milla Monforte 2022 / concello de Monforte

A milla disputouse nun circuito urbano situado na rúa Reboredo, e contou con dez categorías e un total de 180 corredores. Os gañadores foron a monfortina, María Cedrón, que investiu 5:16 minutos, superando nun segundo á segunda clasificada e o pontevedrés, Pablo Gocelo Bocelo que o fixon nun tempo de 4:33 minutos, tamén cun segundo de diferencia con respecto ao seguinte clasificado.

Na categoría de promoción feminina, Martina Pérez chegou primeira e Mauro Figueiras fíxoo na categoría masculina. En alevín-infantil impúxose Mateo Rodríguez; en máster A, Rubén Castro, en máster B-C-D, Serafín Rodríguez.

O club da Gándara foi o que máis corredores achegou a eta proba que levaba desde o 2019 sen celebrarse.

DEIXAR UN COMENTARIO

Please enter your comment!
Please enter your name here