O sábado 10 de setembro celebrábase o Campionato Galego de Slálom no que o Quixós acadou o terceiro posto por equipos. Na categoría xuvenil Noa rematou a competición como campioa galega en K-1 e subcampioa en C-1 xuvenil mentres que Efrén foi bronce en K-1.
O domingo 11 tivo lugar a 3ª Copa Galega de Promesas Slálom e Noa volveu ser protagonista acadando dous ouros, un en K-1 e outro en C-1 cadete.
O resto de medallas nesta Copa Galega repartíronse así para os padeeiros e padeeiras o Club Quixós: Efrén acadou un ouro en K-1 e un bronce en C-1 cadete; Sara foi ouro en K-1 e bronce en C-1 infantil: Diego prata en K-1 e bronce en C-1 infantil; Martín bronce en K-1 infantil e Jacobo bronce en K-1 cadete.
O feito de acadar un total de 10 medallas deulle ao club monfortino o primeiro posto por equipos na Copa Galega de Promesas Slálom.
