HomeDeportesVolve a 'Castro Caldelas Vegan Trail'

Volve a ‘Castro Caldelas Vegan Trail’

Terá lugar o 10 de decembro con carreiras de montaña de 42, 21 e 6 quilómetros; e andainas de 18 e 6. Os avituallamentos e comida final son veganos, tendo ademais carácter benéfico.

Publicado o

POR
Redacción
- Advertisement -

Deixando atrás o parón por mor da pandemia, volve a ‘Castro Caldelas Vegan Trail’, unha proba que ofrece varias alternativas, dende unha andaina para todos os públicos ata unha carreira de 42 quilómetros.

A carreira de montaña de 42 quilómetros pasa por lugares tan fermosos como San Xoán de Camba, as ribeiras do Edo, o val de Tronceda, ou a Serra da Mazaira con vistas ao meandro de Froxende; a andaina de 18 e o trail de 21 por paraxes como as fervenzas do Edo, ribeiras do río Sobredo ou as famosas Penas de Matacás sobre o canón do Sil para voltar despois por viñedos de Alais e Celeiron e soutos centenarios en Souto de Poboeiros.

Segundo a organización, os trails de 21 e 42 quilómetros teñen unha dureza extrema con desniveis de 1.360 e 3.046 metros respectivamente, desniveis que sitúan estas probas como unhas das máis duras de Galicia.

Panorámica dende Matacás. Foto: Organización ‘Castro Caldelas Vegan Trail’.

COMIDA VEGANA E CARÁCTER BENÉFICO

Outra das características desta proba é que os avituallamentos e comida final son veganos, sendo ademais o seu carácter benéfico. Os fondos recadados serán para o refuxio de animais “A pegada verde” de Trives e tamén se recollerán alimentos para o ‘Banco de Alimentos de Ourense’. Para este último fin haberá caixas de recollida nas tendas de aliemtnación de Castro Caldelas durante toda esta semana.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...