Todo listo para que a partir das 11:00 h. desta mañá teña lugar a proba ‘Concello de Monforte de piragüísmo’. Desenvolverase no río Cabe, á altura do Bar Anchoas no Paseo do Malecón, e está previsto que asistan uns 90 piragüistas de diferentes clubs de Galicia.
O Club local, Quixós, presentará para competir a 9 deportistas: Breixo, Lucas, Manuel, Xoel, Antón, Edgar, Martín, África e Sara.
A proba, a quinta galega de Promoción Slalom, chega con altas expectativas para os monfortinos que levan semanas adestrando duro para facer un bo papel como anfitrións. Un bo papel que daría continuidade ao éxito alcanzado en León hai uns días tras acadar dezaoito medallas e o campionato de España de descenso de augas bravas xóvenes promesas.
Ao longo da tarde do venres 21 diferentes integrantes do club estiveron acondicionando o que vai ser o circuíto para o slalom.
