O Club Quixós de piragüismo vén de comunicar outra boa nova. A piragüista de categoría infantil Sara Inés Varela Cortiñas recibiu a chamada de Real Federación Española de Piragüismo para asistir a unha concentración en Murcia.
O encontro dos deportistas seleccionados reunirá a infantís e cadetes entre os días 21 e 25 de agosto na localidade de Calasparra, na comunidade murciana. Os gastos da concentración corren a cargo de Federación.
CAMPIONATO DE ESPAÑA DE KAYAK CROSS
O pasado venres 28 de xullo a piragüista Noa Díaz conqueriu a cuarta praza no Campionato de España de kayak cross, competición disputada na localidade leonesa de Sabero. Noa quedou moi preto das medallas e foi a mellor clasificada do conxunto de piragüistas que representaban ao club monfortino.
