O Alcalde de Monforte, José Tomé Roca, e o Secretario de Estado para el Deporte e Presidente do Consello Superior de Deportes, Víctor Francos Díaz, inauguraron na tarde deste martes as obras de mellora do Pavillón Polideportivo municipal da Pinguela.
O Alcalde salientou que “hoxe é un día moi importante para a historia de Monforte porque hoxe inauguramos un pavillón polideportivo único en Galicia na súa categoría”. O pavillón dará servizo e resposta ás necesidades dos máis de 40 clubs e asociacións deportivas coas que conta o municipio, cunhas instalacións deportivas modernas, seguras e en estado óptimo de utilización.
Na intervención institucional, que tivo lugar ao pé de pista do pavillón, o rexedor monfortino subliñou que “estas obras que supoñen unha reforma integral desta instalación deportiva, dotan dende hoxe a Monforte dun pavillón polideportivo, seguro, moderno, amplo e que vai a dar resposta ás necesidades da cidade en materia deportiva”.
O Presidente do CSD, defendeu a importancia do remodelado pavillón, “como espazo para a igualdade e a defensa dos valores sociais e deportivos, un espazo que é dos clubs, dos cidadáns e dos deportistas, e a través do que poderán desenvolver unha vida saudable”.
O presidente do CSD tamén manifestou que non sería a última colaboración do CSD co concello de Monforte e anunciou, que tras conversas mantidas co Alcalde, “vamos a comezar a trabajar en novos proxectos e abrir novos camiños pata mellorar outros espazos deportivos nesta cidade”.
Por iso, José Tomé amosou o seu agradecemento tanto ó anterior presidente do CSD, José Manuel Franco, que iniciou o proceso para acadar o financiamento solicitado polo Alcalde para levar a cabo esta reforma, como tamén ó actual presidente do CSD, “que foi sensible ó proxecto e propiciou a súa consecución”.
Mellora integral do Pavillón da Pinguela
As obras de reforma do Pavillón da Pinguela deron comezo o pasado 2 de maio, e foron terminadas en tempo e forma o pasado 30 de setembro. As obras leváronse a cabo sobre unha superficie total de actuación de 3.728,23 m2 e, logo da reforma, dunha superficie útil resultante de 3.447.72 m2.
O novo pavillón conta dende hoxe cunha imaxe actual e moderna, na que se reordenan os espazos que permitiron crear un novo ximnasio de 131m2, situado a carón do vestíbulo, e un noco almacén na planta baixa, así como aumentar a zona destinada a despachos en 85 m2.
Na planta superior a instalación conta con gradas por todo o arredor da pista deportiva, para o que se ampliou a grada actual e se construíron novas gradas no lado oeste e nas dúas cabeceiras, norte sur. Isto permite pasar dun aforo de 465 persoas, da antiga instalación, a 1.198 localidades, o que posibilitará a organización de competicións de máis alto nivel. O resto de espazos, pista deportiva, vestíbulo, vestiarios, oficinas para clubs e aseos, son totalmente novos.
O exterior do edificio tamén luce unha nova imaxe, xa que se urbanizaron un total de 1.400 m2 arredor do pavillón humanizando así todo o perímetro da instalación.
A apertura do pavillón a actividades deportivas está prevista en vindeiras datas, unha vez se ultime dende a Concellería de Deportes o calendario de actividades cos diferentes clubes e asociacións deportivas.
