O Servizo Municipal de Deportes do Concello de Chantada organiza o I Circuíto Comarcal de Carreiras de Cros Escolar a través do programa de deporte infantil da Xunta de Galicia, Xogade. Cada Concello dos participantes no circuíto organiza o percorrido e a carreira do seu municipio. “É unha primeira toma de contacto que esperamos sexa un éxito e sirva para motivar a nenas e nenos a que practiquen deporte. É un irmanamento entre concellos co que queremos fomentar o hábito de practicar deporte e fomentar a relación social entre rapazas e rapaces de concellos veciños”, destaca Belén Vázquez.
Das cinco carreiras que se disputarán, puntuarase en 4 delas e das mellores puntuacións sairán os gañadores do torneo. As inscricións poden facerse a través da web do Concello de Chantada, nas escolas deportivas e cos profesores de ximnasia dos diferentes municipios participantes.
Este I Circuíto Comarcal de Carreiras de Cros Escolar está destinado a nenos/as nados/as entre 2009 e 2016. A inscrición é totalmente gratuíta e inclúe transporte e seguro para a realización das distintas carreiras.