O sábado 20 de abril competían en augas portuguesas, na II Copa Promoción Slalom, os máis pequenos do Quixós, colleitando un total de 9 medallas individuais e un segundo posto por equipos. Os piragüistas que colleitaron medallas foron, por categorías:
Infantil: Edgar, un ouro en C-1 e unha prata en K-1; e África, unha prata en K-1, e un bronce en C-1.
Alevín: Xoel Fernández, dous ouros en K-1 e C-1; Lucas un bronce en K-1, e Rodrigo, unha prata en C-1.
Benxamín: Breixo, unha prata en K-1.
O domingo 21 o Quixós competía de novo, pero nesta ocasión no Campionato de Novas Promesas Slalom. Acadaron tamén o subcampionato e 6 medallas individuais. Estes foron os piragüistas que acadaron metal:
Cadete: Sara, ouro en K-1 e prata en C-1; e Martín, medalla de ouro en K-1.
Infantil: África, prata en K-1 e bronce en C-1, e Edgar, ouro en K-1.
