HomeDeportesVII Andaina solidaria da Peroxa

VII Andaina solidaria da Peroxa

Será este domingo 26 de maio e faise en favor da Asociación Diabética Auria.

Publicado o

POR
Redacción
- Advertisement -

O Concello de A Peroxa organiza a sétima edición da súa andaina solidaria, co apoio da Deputación de Ourense, que se celebrará o 26 de maio a favor da Asociación Diabética Auria.

Os organizadores desta iniciativa reuníronse, rematando esta semana, para ultimar os detalles do evento solidario. Na xuntanza, ademais do alcalde da Peroxa, Manuel Seoane, e do concelleiro, José Manuel Rodríguez, estiveron a vicepresidenta da asociación, Margarita Diéguez, e varios socios/as da mesma.

A proposta inclúe dous percorridos circulares de diferentes distancias para adaptarse ás condicións físicas dos participantes: unha ruta curta de 6 quilómetros e outra longa de 17, con avituallamentos e sorteos ao remate da proba. En ambos casos, a saída da andaina será ás 09:30 horas desde a Praza do Concello.

Os interesados en participar que aínda non se inscribiran na plataforma de inscrición habilitada, poderán facelo o propio día da andaina media hora antes da saída, pagando en efectivo os 8 € do dorsal. Para aqueles que queiran colaborar con esta iniciativa solidaria e non poidan participar poderán realizar aportacións a través da Fila 0.

ÚLTIMAS

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...

O PP pide á Deputación que inste a Adif a reparar os danos ocasionados nas estradas provinciais de Sober e Pantón

Os deputados provinciais Antonio Ameijide e Luis Fernández comprobaron os numerosos danos producidos en...

1º Certame de “Relatos Manuscritos” Peruchela Edicións en Monforte

A libraría-editorial Peruchela Edicións, de Monforte de Lemos, coñecida polas súas presentacións de libros...