HomeDeportesO Alcalde de Monforte recibe aos deportistas do Club Quixós tras o...

O Alcalde de Monforte recibe aos deportistas do Club Quixós tras o Campionato de Europa de Augas Bravas Junior e Sub-23  

José Tomé, en representación do Equipo de Goberno e do Concello, quixo homenaxear aos 5 deportistas do Club Quixós de piragüismo polos excelentes resultados acadados no Campionato de Europa de Augas Bravas Junior e Sub-23 celebrado en Dallenwil (Suiza) do 3 ao 6 de xullo. O acto tivo lugar o pasado luns 5 de agosto no Salón de Plenos da Casa do Concello monfortina.

Publicado o

POR
Redacción
- Advertisement -

Cinco deportistas do Quixós competiron a nivel europeo a principios do mes de xullo en Suiza. Pecharon un gran campionato no que destacaron as medallas de bronce de Noa Díaz Quintián e Ximena Prats Moreiras na modalidade C1 patrullas e na modalidade clásica C2. Os outros tres deportistas homenaxeados que tamén participaron neste campionato foron: Efrén Álvarez Vázquez, Gabriel Rodríguez López e Jacobo Rodríguez López.

No acto de recoñecemento, o Alcalde estivo acompañado polos 5 deportistas homenaxeados, a Tenente de Alcalde, Gloria Prada, o Concelleiro de Deportes, José Manuel Mougán, o técnico de Deportes, Óscar Rodríguez, así como familiares e representantes do Club Quixós de piragüismo. Os e as piragüistas presentes recibiron un trofeo individual personalizado en recordo dos éxitos acadados en cada caso. Ao mesmo tempo, tamén se fixo entrega dun trofeo conmemorativo ao Club, galardón que recolleu o presidente Iván Gutiérrez, e o director deportivo, Santi Díaz.

O que non entraba no guión foi a sorpresa que lle tiñan os deportistas ao Alcalde. Fixéronlle entrega dun obsequio de agradecemento polo apoio ao Club consistente nun póster enmarcado coa sinatura e fotografías dos deportistas que estiveron no Campionato de Europa.

Os mellores resultados acadados por estes deportistas no devandito campionato europeo foron os seguintes:

Noa Díaz Quitián: Clásica C2, 3ª; Patrullas clásica C1, 3ª; Sprint C2, 4ª e Patrullas sprint C1: 4ª.

Ximena Prats Moreiras: Clásica C2, 3ª; Patrullas clásica C1, 3ª; Sprint C2, 4ª e Patrullas sprint C1, 4ª.

Efrén Álvarez Vázquez: Patrullas Sprint K1, 8º.

Gabriel Rodríguez López: Patrullas clásica K1, 10º e Patrullas sprint C2, 10º.

Jacobo Rodríguez López: Patrullas clásica K1, 9º.

Foto de Familia co grupo do club que acompañou aos piragüistas homenaxeados. Foto: XMF.
FELICITACIÓNS E REIVINDICACIÓNS

O Alcalde, en nome de todos os monfortinos, felicitou aos deportistas asistentes e ás súas familias polo apoio constante, e agradeceu os éxitos acadados, “pois serven para que Monforte estea moi ben representado na elite do deporte español, europeo e mundial”. Así mesmo, lembrou que “dende o Equipo de Goberno puxemos en marcha no ano 2022 unha liña de axudas dotada con 12.000 euros, e destinadas a axudar ós clubs monfortinos que participen en campionatos de España, de Europa ou do Mundo”.

Pola parte do Club Quixós aproveitaron a ocasión para agradecer as axudas comentadas e tamén para reivindicar unhas novas instalacións, demanda que xa se coñece dende hai anos no concello. En palabras de Tomé, como réplica, “témolo presente e todo chegará, estas cousas levan o seu tempo, pero non nos esquecemos…”

ÚLTIMAS

O DOG publica o acordo para o proxecto para a restitución da LU-651

A Xunta publicou este xoves no Diario Oficial de Galicia (DOG) o acordo da...

Concentración este 13 de setembro en Lugo para reivindicar máis medidas para o sector do viño da Ribeira Sacra

O Sindicato Labrego Galego-Comisións Labregas (SLG-CCLL) mantén a convocatoria de mobilización para este venres,...

Concerto de Lucía Pérez este 14 de setembro en Chantada e do 13 ao 15 desenvólvese a IX edición do FICH

A cantante do Incio, Lucía Pérez, que comezou a súa andaina na música ao...

O PP plantexa a construción de centros de acollida provinciais de animais

Dende que o 29 de setembro de 2023 entrou en vigor a Lei 7/2023,...