Noa Díaz, deportista de Monforte coñecida polos seus éxitos no piragüismo, vén de recibir o premio de deportista do ano na XVIII edición dos Premios El Progreso do Deporte Lucense.

Ademais do amplo medalleiro acadado a nivel galego co seu Club Quixós, Noa tamén tivo relevantes premios a nivel nacional e internacional este ano. Concretamente, foron o bronce no Campionato do Mundo de augas bravas, celebrado en León na modalidade de patrullas C-1 co trío conformado con Ximena Prats e Eider Larrañaga, e en individual quedou no cuarto posto en C-2 xunto con Eider.

E non hai moitas semanas, a monfortina acadou o segundo posto a nivel estatal na modalidade de kaiac cross e décima no Campionato Europeo.