Álvaro Gómez vén de acadar esta pasada fin de semana unha nova medalla nunha proba de máximo nivel nacional. O vigués de 11 anos, con raíces na localidade lucense de Sober na que preparou esta competición nos días previos, participaba, tras clasificarse por ranking nacional, no Máster Nacional N1-N4 SUB 15 “Cidade de Montilla”.
A medalla que trouxo para Galicia conseguiuna na modalidade de dobres mixtos xunto á coruñesa Maia Freire, que na actualidade son os subcampións nacionais Sub-13 e os gañadores no prestixioso torneo internacional para categorías menores como o VICTOR International Jeunes Nouvelle-Aquitaine 2024.
Como relatan dende o Club Escola Rosalía de Vigo, “tras unha final trepidante e con punto de partido caerían fronte aos galegos Balboa e Otero no terceiro xogo por 22-20, acadando desta maneira unha medalla de prata”.
