O alcalde de Pantón, José Luis Álvarez, destaca o espírito deportivo e popular desta cita, e convida á veciñanza do concello e doutros lugares a participar para disfrutar de compartir os valores do deporte e da contorna que ofrece o percorrido da carreira.

As inscricións están abertas en www.championchipnorte.com ata o xoves 22 de maio ás 23:59 horas.

Para as/os menores establécense as seguintes categorías femininas e masculinas:

• Mini (2021 e posteriores) cunha distancia de 50 metros
• Categoría A (2018-2020) cunha distancia de 400 metros
• Categoría B (2016-2017) e Categoría C (2013-2015) cunha distancia de 800 metros
• Categoría D (2010-1012) cunha distancia de 1100 metros

Todos os participantes recibirán unha medalla conmemorativa. Para a carreira absoluta (nados/as no 2009 e anteriores) que ten unha distancia de 6,27 quilómetros, estalécense tamen distintas categorías para homes e mulleres, con trofeos para os tres primeiros de cada categoría.

Os dorsais e os chips de cronometraxe entregaranse o día da proba (25 de maio) na carpa da organización, diante do edificio sociocultural de 09:30h a 11:30h. A saída das categorías menores comezará ás 11:00h e unha hora despois inciarase a categoría absoluta.

O regulamento da carreira recolle, entre outras cuestións, que non estará permitido o acompañamento dos participantes mediante o uso de vehículos, o dorsal deberá ser colocado visiblemente na parte dianteira do/a corredor/a sen poder facer ningunha modificación nel, e na proba absoluta será obrigatoria a utilización do chip de cronometraxe proporcionado pola organización, excepto para os propietarios de chip amarelo que poden utilizar o seu. Todos/as os/as atletas que rematen a proba recibirán avituallemento na zona habilitada pola organización.