Monforte xa foi sede os días 28 e 29 de marzo das Finais do Campionato Galego de Voleibol Xuvenil nas modalidades masculina e feminina, cunha excelente acollida por parte da afección que se espera repetir neste novo evento. A final enfronta aos dous equipos monfortinos –CV Ribeira Sacra e CD Korbis- e dous da Coruña, concretamente, o Liceo La Paz e o Cidade A Coruña. O Campionato desenvolverase nun formato de catro partidos: dúas semifinais na xornada de mañá ás 10.00 e 12.00 horas; un partido para determinar o 3º e 4º posto, ás 16.30 horas, e a gran final ás 18.30 horas. O evento finalizará coa entrega de trofeos e medallas.
Gloria Prada animou aos monfortinos e monfortinas a asistir ao que será un “auténtico espectáculo deportivo”, no que se decidirá o equipo vencedor a nivel autonómico e tamén o acceso directo ao Campionato de España de Clubs, representando a Galicia no máis alto nivel nacional. Pola súa banda, desde a Federación e o CV Ribeira Sacra agradeceron a “colaboración fundamental” do Concello de Monforte para que esta Final se celebre en instalacións de primeiro nivel, como é o Pavillón Polideportivo Municipal.
Horarios
O formato da competición e de catro partidos coa seguinte disposición e horarios:
- 10.00 h: Primeira Semifinal. CV Ribeira Sacra-Cidade A Coruña
- 12.00 h: Segunda Semifinal. Liceo La Paz-CD Korbis
- 16.30 h: Partido polo 3º e 4º posto.
- 18.30 h: Gran Final.
