O alcalde de Monforte, José Tomé Roca, xunto co Concelleiro de Deportes, José Manuel Mougán, entregou o trofeo ás xogadoras do equipo CV Ciudad de A Coruña que se proclamou vencedor na final do Campionato Galego de Voleibol Feminino na categoría Cadete que se disputou este sábado no Pavillón Polideportivo da Pinguela. O rexedor entregou tamén o trofeo á mellor xogadora do Campionato, que foi para a integrante do Cidade A Coruña Martina Mesejo.

Antes da entrega de trofeos o CV Ribeira Sacra quixo facer o un recoñecemento especial ás xogadoras Mónica Rodríguez e Ana López, que foron cofundadoras do club, e a Noelia Sánchez e Jennifer Mendoza, xogadoras da élite do volei e integrantes da Selección Española. Así mesmo, renderon tamén homenaxe a José Luis Sánchez, que foi presidente do equipo.

Clasificación na Final

1º. CV Ciudad de A Coruña.

2º. Liceo La Paz.

3º. CV Ribeira Sacra.

4º. CD Korbis.