A piragüista do Club Quixós vén de pechar unha brillante fin de semana no Parc Olímpic del Segre, na vila de La Seu d’Urgell. Alí celebrouse a 3ª Copa de España de Slalom Olímpico cun alto nivel de participantes e de calidade.

Sara Inés Varela competía na categoría junior acadando en K-1 unha medalla de prata, e en C-1 unha de ouro. Por equipos, o Quixós quedou na sexta posición, sendo o club galego mellor clasificado dos 4 que competían.