A piragüista do Club Quixós de piragüismo, Sara Inés Varela, estará este ano no Campionato do mundo júnior na modalidade de slálom se disputará do 30 de xuño ao 5 de xullo en Cracovia, Polonia. A nova chegou estes días tras ser comunicada ao club monfortino a convocatoria dende a Federación Española de Piragüismo.
Pero non acaban aquí as boas novas, hai máis… tamén estará no Campionato de Europa júnior que se disputará na localidade francesa de Épinal entre o 6 e o 9 de agosto. En ambas participacións competirá en K-1.
Así as cousas, Sara Inés súmase a Noa Díaz como deportistas do Quixós participantes nun mundial. No caso de Noa Díaz, estará no Mundial de Banja Luka, do 17 ao 19 de maio en Bosnia, en descenso de augas bravas . Confirmou a súa presenza días atrás cun moi bo resultado na Copa de España.
