O Concello de Monforte oferta nas súas Escolas Deportivas un total de 8 actividades, con 283 prazas dispoñibles, que se dividen en modalidades para nenos e nenas (entre os 6 e os 15 anos) e adultos (a partir de 16 anos):
Actividades para nenos e nenas: Golf, Pádel, Kung Fu e Zumba infantil.
Actividades para adultos: Ximnasia de mantemento, Tai Chi, Ioga e Zumba.
A actividade de cada unha das modalidades deportivas dará comezo no mes de outubro de 2026 e prolongarase ata finais do mes de maio de 2027, completando así un total de 8 meses lectivos. O custe por modalidade e participante é de 92,70 € por todo o curso, cunha bonificación do 50% para aquelas persoas que pertenzan a familia numerosa.
PRAZO DE INSCRICIÓN
Todas as persoas interesadas en inscribirse nalgunha das actividades ofertadas poderano facer presentando a documentación establecida no Rexistro Municipal do Concello, de xeito presencial ou a través da sede electrónica. O prazo de solicitudes estará aberto entre o 7 de setembro ás 9:00 h. e o 18 de setembro ás 23:59 h. O 23 de setembro publicarase na páxina web do Concello a lista de admitidos e admitidas nas actividades. Dita lista confeccionarase por rigorosa orde de presentación das solicitudes.
Se unha vez finalizado o prazo de inscrición quedaran prazas vacantes, aquelas persoas que estean inscritas nalgunha actividade poderán inscribirse tamén nas modalidades nas que queden prazas libres. Para a prestación do servizo de cada unha das modalidades deportivas ofertadas será necesario que a porcentaxe de inscritos na actividade acade, como mínimo, o 25% das prazas ofertadas
Para acceder aos formularios de inscrición así como para coñecer as prazas que hai por cada grupo, os requisitos para anotarse e a documentación necesaria a presentar pódese consultar a páxina web do Concello de Monforte.
ACTIVIDADES NA PISCINA CLIMATIZADA MUNICIPAL
Na piscina climatizada municipal tamén se van ofertar un número importante de cursos e actividades. En total 264 prazas repartidas en 26 grupos. Os cursos organízanse en tres trimestres, darán comezo a principios de outubro e cada un deles ten unha carga horaria de 2 clases á semana de 45’ cada unha.
Os Socios/as da piscina interesados en matricularse poden facelo a partir do 14 de setembro, e os non socios/as da piscina a partir do 17 do mesmo mes. Para recibir máis información sobre os cursos ofertados na piscina municipal as persoas interesadas poden dirixirse ao propio centro, consultar a web do concello ou facer a súa consulta a través do teléfono 982 202 965 ou do correo electrónico apinguela@ideasdebolina.com
