O deportista lugués, Iván Rodríguez Denís, gañador de dúas medallas nos xogos mundiais Special Olympics, no saque de honra que realizou o saque de honra no derradeiro partido da Liga Escolar de fútbol sala da zona Val de Lemos na categoría Benxamín.

O partido enfrontou ás Escolas Deportivas Municipais de Láncara co equipo Torre de Lemos de Monforte, no pavillón Municipal da Pobra de San Xiao. O equipo local rematou o partido como gañador invicto da competición no derradeiro partido que se celebra no pavillón antes da súa reforma.

Do acto participaron o Deputado de Deportes, Pablo Rivera Capón, e o Alcalde de Láncara, Darío Piñeiro López. Capón destacou que “Iván é un exemplo para os rapaces das escolas deportivas, para conseguir, tamén no ámbito deportivo, unha sociedade máis inclusiva”.