HomeEconomíaSete días máis de prazo para solicitar as axudas da PAC

Sete días máis de prazo para solicitar as axudas da PAC

A Consellería do Medio Rural amplía o prazo de presentación de solicitudes para facilitar o traballo e as xestións das entidades colaboradoras que tramitan as subvencións.

Publicado o

- Advertisement -

O prazo inicial para presentar a solicitude única de axudas da Política Agrícola Común (PAC) remataba o vindeiro martes, 30 de abril, e con esta medida amplíase ata o vindeiro sete de maio. 

Esta medida adóptase co obxecto de facilitar o traballo e as xestións das entidades colaboradoras que están a tramitar estas axudas para que poidan atender como corresponde a todos/as interesados/as. Con esta ampliación do prazo terán algo máis de marxe para atender as solicitudes de preto de 30.000 agricultores e gandeiros.

O pasado 31 de xaneiro saía publicada no Diario Oficial de Galicia (DOG) a correspondente orde da Consellería do Medio Rural pola que se regula a aplicación dos pagamentos directos á agricultura e á gandaría e das axudas ao desenvolvemento rural suxeitas ao sistema integrado de xestión e control, no marco da PAC.

Do orzamento previsto para esta convocatoria 2019-2020, o 80% correspóndese aos pagamentos directos da PAC e o resto ás medidas de desenvolvemento rural destinadas ás axudas a zonas con limitación naturais, agroambiente e clima, agricultura ecolóxica e para o mantemento de plantacións forestais en terras non agrícolas.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...