InicioEconomíaSubvencións do Leader para novos proxectos no sur de Lugo

Subvencións do Leader para novos proxectos no sur de Lugo

O pasado 13 de setembro déronse a coñecer os proxectos aprobados pola Xunta Directiva do GDR Ribeira Sacra Courel correspondentes á convocatoria do 2019. As axudas para 26 iniciativas produtivas e non produtivas alcanza os 867.673,11 euros.

Publicado o

- Advertisement -

A resolución desta terceira concesión de axudas do programa Leader 2014-2020 para 13 concellos que integran o Grupo de Desenvolvemento Rural Ribeira Sacra Courel, 12 deles do sur de Lugo (Bóveda, Folgoso do Courel, O Incio, Monforte de Lemos, A Pobra do Brollón, Quiroga, Ribas de Sil, O Saviñao, Pantón, Sober, Samos e Triacastela), beneficiará un total de 26 proxectos cun investimento que alcanza os 1.902.513,05 euros, dos cales 86.673,11 euros virán integramente de subvencións do programa Leader.

O desglose por tipoloxía de proxecto é o seguinte:

9 proxectos non produtivos promovidos por entidades públicas investirán 254.139,93 euros e recibirán 173.626,97 de axudas Leader.

6 proxectos non produtivos promovidos por entidades privadas investirán 63.516,77 euros e recibirán 39.818,08 do Leader.

11 proxectos produtivos investirán 1.584.856,35 euros e recibirán 654.228,06. Neste último suposto a previsión é que se podan crear uns 14 postos de traballo e consolidar uns 90 xa existentes.

Dende o GDR Ribeira Sacra agardan que esta resolución de proxectos Leader presentados sexan prometedores e sirvan de estímulo e motivación para futuros promotores de novos proxectos xa pensando na convocatoria dao 2020. O prazo de presentación está aberto ata o 31 de marzo dese ano.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...