Esta primeira campaña de dinamización tras a declaración do estado de alarma pretende premiar aos consumidores habituais do comercio da vila, que nestes momentos seguen apoiando ao comercio local. O premio, MIL EUROS para gastar en todas aquelas cousas que queira a persoa gañadora, pero coa condición de que terán que ser gastados nun prazo máximo de 60 minutos.         

Esta campaña, que fomenta o comercio local, estará nas rúas da vila dende o luns día 6 ata 5 de agosto, é decir, ao longo dun mes, cadrando no tempo coas rebaixas do Centro Comercial Urbano de Sarria.

As compras nos comercios adheridos á campaña, farán que unha persoa sexa a gañadora de MIL EUROS para gastar ao seu antoxo en SESENTA MINUTOS, de acordo coas bases da promoción.