InicioEconomíaA poboación da provincia descende e envellece

A poboación da provincia descende e envellece

Entre algunhas cuestións destacables, Lugo en Cifras 2020 evidencia o descenso e progresivo envellecemento da poboación lucense en comparación co total de Galicia e de España.

Publicado o

POR
Redacción
- Advertisement -

O presidente da Deputación de Lugo, José Tomé Roca, e o secretario xeral da Confederación de Empresarios da Provincia de Lugo (CEL), Jaime López Vázquez, presentaron este mércores o informe ‘Lugo en cifras, unha publicación que se retoma grazas á colaboración entre as dúas institucións.

Entre algunhas cuestións destacables, Lugo en Cifras 2020 evidencia o descenso e progresivo envellecemento da poboación lucense en comparación co total de Galicia e de España, resultando “preocupante”, segundo a CEL, que a idade media dos habitantes da provincia sitúese xa case nos 50 anos.

A nivel da riqueza dos fogares, destácase que a maioría dispón de entre 1.000 e 1.500 euros mensuais e o PIB mantense na contorna dos 7.500 millóns de euros, preto do 13% do galego, mentres que se consolida o sector servizos, no que xa se empregan o 68,21% dos traballadores da provincia.

Por outra banda, continúa en descenso o sector da agricultura, debido á desaparición dun gran número de explotacións, á súa agrupación e mecanización, o que implica unha menor necesidade de man de obra neste ámbito.

Tomé Roca explicou que ‘Lugo en Cifras’ é “unha recompilación de datos socioeconómicos sobre a provincia de Lugo“, un documento no que se fai “unha fotografía da realidade social e da realidade empresarial e económica da provincia”. Volve publicarse agora despois de 10 anos de paro.

ÚLTIMAS

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...

O PP de Monforte urxe ao arranxo inmediato de varias rúas

Unha das actuacións ás que se comprometeu o goberno local é o arranxo do...

PP e IGV lamentan que a mellora da N-540 non remate ata 2027

O Partido Popular considera insuficiente o anuncio da adxudicación das obras de rehabilitación do...

5 viaxes ao ano e comidas de 400 persoas, a Asoc. de Pensionista e Xubilados de Pantón segue un plan que funciona

A Asociación de Pensionistas e Xubilados de Pantón fundouse no 2002. Na actualidade conta...