InicioTerra de LemosBóvedaO mel galego xa está en China

O mel galego xa está en China

Publicado o

- Advertisement -

Mieles Anta, a maior empresa galega do sector, exporta fóra de España o 80% da súa produción.

O mel galego xa se atopa no difícil mercado chino desde finais do pasado ano e as perspectivas son que as exportacións sigan crecendo este ano. Tamén se consolidou a súa venta nos Estados Unidos, moi apreciado pola súa calidade. Así o confirmou David Corral, fundador de Mieles Anta,a  primeira empresa exportadora de mel de Galicia.

Actividades de apicultura e extracción do mel en Galicia

“Actualmente en torno ao 35% do mel que comercializamos é ecolóxico, e exportamos fóra de España o 80%, pero trátase dun mercado en expansión polo que temos que aumentar a produción”, salientou.

Esta empresa, con sede en Bóveda (Lugo) e con marcas tan recoñecidas no mercado como Pazo de Lusío, Mel da Anta e Toca, é neste momento o principal produtor e exportador de mel de Galicia.

Así, pecharon o 2015 con máis de 500.000 quilos de mel comercializados, boa parte producido polas súas máis de 10.000 colmeas, repartidas por toda Galicia, pero fundamentalmente no Courel, onde a riqueza da flora silvestre lle confiren unhas características únicas ao seu mel. Boa proba disto é que no 2015 a Organización de Consumidores e Usuarios elixiu a Mel da Anta como o mellor mel de España.

Mieles Anta, que rematou o 2016 cunhas vendas de máis de 2 millóns de euros e con 20 persoas en plantilla, celebrou este venres un acto para conmemorar o seu 25 aniversario e homenaxear ao seu fundador, David Corral.

ÚLTIMAS

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...

A Xunta reactiva as notificacións para queimas agrícolas

A Xunta de Galicia decidiu volver activar os permisos para queimas agrícolas de particulares....