Segundo o Consorcio de Turismo Ribeira Sacra, todos os datos dos que levan conta ata o momento apuntan a unha elevada ocupación neste xeodestino para campaña de verán, “incluso semella que podería ser a mellor ata o momento”, matizan.
INFORMACIÓN DA PÁXINA WEB
Do seguimento diario que realiza o Consorcio en relación aos accesos á páxina turismo ribeirasacra.org só nos meses de abril e maio deste ano rexistráronse 100.000 accesos, o que supón un 30% máis que no mesmo período do ano 2019 (pre-pandemia).
O mes de maio foi especialmente intenso na navegación dese portal. Collendo un día laboral de xeito aleatorio como pode ser o 24 de maio e mirando o rexistro de 2019, obsérvase un reconto de 864 accesos; mentres que collendo o resumo de datos do 24 de maio de 2021 a cifra ascende a 2117.
Só nos meses de abril e maio deste ano rexistráronse 100.000 accesos, o que supón un 30% máis que no mesmo período do ano 2019
OCUPACIÓN NOS ALOXAMENTOS
A partires dos datos facilitados por máis de 30 establecementos de turismo rural e pola maioría de hoteis de 3 e 4 estrelas do xeodestino Ribeira Sacra, o organismo turístico conclúe que a ocupación prevista para o mes que remata e para xullo e agosto sería:
Datos de ocupación TURISMO RURAL
Xuño: 70 % (40 % en 2019) +30%
Xullo e agosto: 95 % (70 % en 2019) +25%
Datos de ocupación HOTEIS 3 E 4 ESTRELAS
Xuño: 80 % (70 % en 2019) +10%
Xullo e agosto: 92,5 % (84% en 2019 ) +8,5%
Como remate a estas previsións, o Consorcio de Turismo Ribeira Sacra conclúe tamén que o sector en xeral é moi optimista e qie os profesionais son conscientes do esforzo e bo facer que esixirán as vindeiras semanas se se confirman estes datos.
