InicioEconomíaMedio ambiente, urbanismo e iluminación destino do superávit do concello de Monforte

Medio ambiente, urbanismo e iluminación destino do superávit do concello de Monforte

No 2017 o concello de Monforte tivo un superávit de 2.194.188 euros que está destinando, segundo informan, a consolidar esa posición económica e a realizar investimentos financieramente sostibles.

Publicado o

- Advertisement -

En maio deste ano o concello de Monforte aprobaba en pleno destinar parte deste superávit, 1.725.022 euros, a:

  • Amortización da débeda por importe de 956.606’36 para débeda cero
  • Compensación de gastos da piscina municipal por importe de 39.403’19 euros.
  • Mellora de pistas periurbanas e rurais por importe de 729.012’47 euros, obras que están agora a piques de comezar.

Ao pleno que se celebrará o luns no concello de Monforte, o equipo de goberno leva a proposta de investir os 469.165 euros que quedan de superávit do seguinte modo:

  • Selado do vertedoiro de residuos inertes de Monforte, ubicado detrás da Cerámica do Castelo polo 50% do seu custe que ascende a 119.519’77 euros. O total do proxecto custa 239.039’54 euros, financiando o outro 50% con cargo ó orzamento de 2018 xa previsto.
  • Renovación do alumeado público do Morín, dende Doctor Casares ata Ribasaltas, por 153.000 euros.
  • Optimización e mellora do alumeado público do estacionamento do Parque dos Condes, por 40.000 euros.
  • Instalación de alumeado público no paseo fluvial dende o Parque dos Condes ata o parque de Cobas, por 29.842’80 euros.
  • Renovación da iluminación da Praza Luis de Góngora, na contorna da igrexa de San Vicente, por 10.721’13 euros.
  • Mellora da estrada en Piñeira dende a N-120, ata a ponte do río Cabe na Barxela, por 43.306’98 euros.

Quedan, así, pendentes de executar 72.774’76 euros.

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...