Tras a reunión semanal do Goberno galego, o presidente, Alfonso Rueda, celebrou esta decisión como un paso máis para “consolidar a Galicia como referente en biotecnoloxía”.
Esta declaración como iniciativa prioritaria, o número 18 xa, por mor da nova lei galega de simplificación administrativa, permite reducir á metade os prazos de tramitación para proxectos empresariais con “todas as garantías” xurídicas.
Rueda destacou deste proxecto de Indukern que suporá un investimento total de 59,4 millóns de euros, 33 millóns deles nunha fase inicial que tamén permitirá crear 62 postos de traballo. Ademais de fabricar medicamentos de uso humano, a planta albergará un laboratorio de I+D+i para deseñar novos fármacos.
