No acto titulado Conectando o polo co sector primario de transformación, a directora xeral puxo en valor a “velocidade de cruceiro” que está a tomar o Polo de emprendemento Lugo Sur que xa asesora a 28 persoas que están a liderar 26 proxectos empresariais activos.
Tal e como destacou a representante autonómica a Ribeira Sacra, ademais de ser unha das rexións máis fermosas de Galicia, é “fonte de inspiración para moitas persoas emprendedoras. Esta área xeográfica ofrece gran cantidade de oportunidades a diferentes sectores, entre eles ao sector primario de transformación que desempeña un papel fundamental na economía deste territorio”, engadiu.
Na sesión déronse a coñecer as boas prácticas de empresas como Adegas Moure, Casa da Fonte, Gandería Poluan, Airas Moniz e Tuta Fruta Eco Products. A través dunha dinámica de traballo colaborativo, as persoas participantes puideron traballar na identificación, a partir das necesidades do sector primario, os principais retos que poden xerar oportunidades de negocio.
Para axudar a impulsar proxectos emprendedores que dinamicen o rural, a Asocación Semente Monforte ten en marcha ata o 31 deste mes prazo aberto para inscribirse no seu Concurso de Proxectos Empresariais. Entregan 20.000€ en premios para dinamizar as ideas emprendedoras.
