InicioEconomía20 persoas participan do obradoiro de emprego Baliño 2

20 persoas participan do obradoiro de emprego Baliño 2

O obradoiro de emprego, Baliño 2, que comeza este martes 30 de outubro, desenvólvese nos concellos de Pantón, Sober e O Saviñao.

Publicado o

- Advertisement -

Durante os vindeiros nove meses, os 20 participantes contarán cun contrato que lles permite recibir formación teórica e práctica en dúas especialidades e obter un certificado de profesionalidade.

Unha destas especialidades é a de ‘Montaxe e instalación de construcións de madeira’ que conta con 8 alumnos-traballadores (3 de Pantón, 3 do Saviñao e 2 de Sober). Traballarán na fabricación, colocación e adecuación de elementos do mobiliario urbano e de mobles para edificios públicos dos tres concellos participantes.

Na especialidade de ‘Atención sociosanitaria a persoas dependentes en institucións sociais’ participan 12 persoas (4 por concello). Desenvolverán as súas funcións no centro de día de Pantón, a residencia ‘Nosa Señora do Carme’ de Sober e en vivendas comunitarias do Saviñao.

A Consellería de Economía, Emprego e Industria destina preto de 289.000 euros ao financiamento desta iniciativa, que sumará ademais as contratación doutras catro persoas para ocupar postos de dirección, administración e monitores

ÚLTIMAS

Aberto o prazo para participar no Mercado de Nadal da Praza de Abastos de Monforte

O Mercado de Nadal celebrarase na Praza de Abastos da cidade os días 22...

Un home de Sarria enfróntase a un ano de prisión por acosar a unha muller a través das redes sociais e pola rúa

O Xulgado do Penal número 1 de Lugo acollerá este xoves a vista oral...

Penas de ata dous anos e medio para os cinco responsables da empresa de seguridade Alcor

O Ministerio Fiscal solicitou este mércores na Audiencia Provincial de Lugo, na última sesión...

“Non se poden deixar pobos sen atención médica durante semanas”, denuncia Pladesapu

Nesta situación e ante as últimas protestas a resposta desde a xerencia foi que...