O coñecido como ‘Salimat Abanca’ cita en Silleda esta vindeira fin de semana a múltiples organizacións sectoriais, entidades de promoción, pequenos produtores, artesáns, industria e gran distribución. Neste gran escaparate que supón a Semana Verde de Galicia uniranse todos os operadores devanditos para colaborar e facer negocio, impulsar o seu crecemento e resultados, reforzar o seu posicionamento e aumentar a súa visibilidade.

A D.O. Ribeira Sacra participa en Experiencias de Calidade coa AGACAL, tendo como principal actividade a Cata de Viños da D.O. Ribeira Sacra por parte do Consello Regulador da D. O. Ribeira Sacra, que terá lugar o xoves, día 8 de 17.30 a 18.30h., no marco de “Experiencias de Calidade”.

AXENDA DE ACTIVIDADES CON PRESENZA DA D.O. RIBEIRA SACRA

• Xoves, 8 de xuño de 14:00 a 15:00h. Masterclass IXP Ternera Gallega e IXP Vaca Galega/Boi Galego con IXP Pan de Cea e IXP Tarta de Santiago e DO Ribeira Sacra, co Chef, José Manuel Mallón – Espazo Remollo (Ames, A Coruña)
• Sábado, 10 de xuño de 13:30 a 14:30h. “Experiencias de Calidade” / Cata de viños galegos premiados nas Catas de Galicia 2022: DO Rías Baixas, DO Monterrei, DO Ribeira Sacra, DO Ribeiro, DO Valdeorras. Presenta: Sumiller Nacho Costoya
• Domingo, 11 de xuño, de 11:30 a 12:30 h. “Experiencias de Calidade” / Cata-degustación IXP Pataca de Galicia e DO Ribeira Sacra. Chef: Criselda Iglesias – Tapería Lecer (Cangas de Morrazo, Pontevedra)