Despois dun tempo de inactividade, no que a mercados temáticos se refire, a Praza de Abastos do Concello de Monforte celebra esta fin de semana un mercado centrado no outono. Neste espazo vai ser posible adquirir produtos propios desta temporada como cogomelos, castañas, noces, marmelos e tamén repostería elaborada con eses mesmos produtos, licores, sidra…

O mercado abrirá as súas portas o sábado de 10:00 a 14:00 horas, e tamén pola tarde, de 17:30 a 20:30 horas. No caso do domingo, o seu horario só será de 11 a 14 horas.

O Espazo Gastronómico O Viñedo, establecemento anexo ao recinto, aproveitará a ocasión para ofrecer o sábado un “xantar micolóxico” e produtos de outono. Todas aquelas persoas interesadas terán que poñerse en contacto con Diego Dapresa no teléfono 678 78 58 29. O mesmo sábado a partir das 20:30 h. está programado un magosto popular neste mesmo espazo.

Con esta actividade, como en todas as que se adoitan facer neste recinto, búscase poñer en valor os produtos típicos locais, de tempada, artesáns, ecolóxicos, etc para potenciar o comecio local e de proximidade.

actividades para os cativos/as