HomeEconomíaQuere o teu mercado, o 25 e 31 de maio en Monforte

Quere o teu mercado, o 25 e 31 de maio en Monforte

O Concello de Monforte súmase un ano máis á campaña internacional Quere o teu mercado, que se celebrará o sábado 25 e o venres 31 de maio. O obxectivo é fomentar as compras no pequeno comercio de proximidade, neste caso, na Praza de Abastos da cidade do Cabe.

Publicado o

POR
Redacción
- Advertisement -

O rexedor monfortino, José Tomé, indicou que “as prazas de abastos, a través de canles cortas de comercialización, garanten a calidade dos produtos alimentarios galegos, e nelas únese tradición e modernidade, a través da profesionalidade dos seus praceiros e praceiras”.

O vindeiro sábado 25 de maio terá lugar na Praza de Abastos, a partir das 12:30 horas, unha degustación de produtos locais provintes dos praceiros: queixos e embutidos, empanadas, entre outros, acompañados de viños da D.O. Ribeira Sacra. Nesta primeira xornada farase tamén a entrega de agasallos da campaña “Quere o teu mercado”.

A vindeira semana, o venres 31, dende as 8 da tarde, a Praza de Abastos acollerá una xornada enogastronómica, na que o público asistente poderá degustar viños da D.O Ribeira Sacra, xunto con produtos gastronómicos da Praza, que serán elaborados por varios restaurantes locais e porporcionados por adegas da denominación. 

Poderase así degustar as delicias culinarias da gastronomía local con tapas variadas e música en directo, co concerto acústico do grupo monfortinoSegunda Parte.

ÚLTIMAS

Torre da Homenaxe en verde este 21 de xuño no Día Mundial da ELA

Como xesto simbólico e en sinal de apoio ás persoas con ELA (Esclerosis Lateral...

Quiroga formará a traballadores de atención a persoas con dependecia e axuda no fogar

O ISSGA, Instituto de Seguridade e Saúde Laboral de Galicia, no seu Plan de...

Este 21 de xuño preséntase no Auditorio de Chantada o proxecto do Museo Manuel Jorge

A xornada incluirá un coloquio e unha visita ao edificio que albergará o museo,...

286.000€ para a mellora do Aeródromo das Lamas en Monforte

Asfaltarase o firme da pista de voo a través de aglomerado en quente e...