A Deputación Deputación de Lugo vén de iniciar as obras de mellora na estrada provincial LU-P-5713, que conecta o concello de Sarria, a través da estrada autonómica LU-546, co concello de Baralla pasando pola parroquia de Piñeira. Esta intervención conta cun investimento que supera os 100.000 euros.
As actuacións, adxudicadas á empresa Grupo Bascuas 2008 S.L., afectan a un tramo de case dous quilómetros, concretamente dende o inicio da vía ata o punto quilométrico 1,850. Os traballos inclúen a limpeza das cunetas, melloras no sistema de drenaxe, a pavimentación con aglomerado en quente e a instalación de nova sinalización horizontal e vertical.
Esta intervención forma parte do compromiso da Deputación de Lugo por garantir a seguridade da circulación na súa rede viaria, contribuíndo ao desenvolvemento económico e social das áreas rurais e mellorando a calidade de vida dos seus veciños e veciñas.
