O pequeno comercio dá traballo a unhas 1.400 familias na provincia. Por outra banda o Nadal supón máis do 25% das vendas anuais, por iso a Deputación a través da Federación do Comercio de Lugo desenvolve esta campaña, coa que se anima a todos os veciños a que fagan as súas compras mercando no comercio local.
Ofrécense 40 premios por valor de 10.000 euros, para seren reinvestidos nos propios comercios da zona. Así o informaron durante encontros con comerciantes da zona sur, que se realizaron en Monforte de Lemos e Chantada. Este tipo de campañas son fundamentais para poñer en valor a figura do pequeno comercio e impulsar a economía local. Tamén se incentiva o uso das novas tecnoloxías, xa que a dixitalización preséntase como un paso obrigado do comercio.
Merca e Gaña polo Nadal desenvolverase ata o 6 de xaneiro. As persoas que merquen en calquera dos establecementos da provincia poderán participar no sorteo de 20 tarxetas regalo de 300 euros e outras 20 de 200 euros. Para elo, débese fotografar o tícket da compra e rexistrala en www.nadalmercaegana.comou solicitar o seu rexistro ao comerciante. O sorteo ante notario será o 11 de xaneiro. Máis información en www.nadalmercaegana.com.
Durante este período, incentívanse as compras no comercio local con material promocional nas rúas dos 67 Concellos ou en redes sociais co hashtag #nadalmercaegaña.
