O convenio aprobado este ano entre Xunta e Consorcio permitirá mobilizar 250.000 euros, dos que a Administración autonómica achega 200.000 (100.000 no 2018 e a mesma cantidade no 2019).

Con estes fondos o Consorcio editará material informativo impreso e en soporte audiovisual para redes sociais e para facer promoción en feiras de turismo activo e deportivo; deseñaranse rutas como a do Románico da Ribeira Sacra, o Viñobús turístico e organizaranse estadías temáticas. Tamén se contempla o deseño de catálogos de novos produtos vinculados aos recursos propios da zona.

Dentro doutras liñas de cooperación, a Xunta aprobou axudas para o Consorcio por preto de 64.000 euros dirixidas a financiar a adecuación de totems dixitais para albergar a plataforma web e audioguías da Ribeira Sacra ; a contratación de persoal para as oficinas de turismo , así como a colaboración cun proxecto de recuperación e revalorización dos esgrafiados.

O delegado territorial da Xunta en Lugo, José Manuel Balseiro, que participou na reunión do Consorcio, reafirmou o compromiso da Administración autonómica co impulso da actividade turística na Ribeira Sacra, “un dos destinos con máis potencial da comunidade. Un lugar cada cada vez máis visitado, máis atractivo e mellor preparado para recibir aos visitantes”.