O vicepresidente da Deputación de Lugo, Efrén Castro, reiterou no pleno provincial deste martes “o compromiso firme e claro” de colaborar no financiamento do matadoiro municipal de Sarria.
O responsable provincial explicou que “tras aprobarse hai quince días os modelos de convenios necesarios para iniciar o procedemento, a área de Rural púxose en contacto co Concello de Sarria para iniciar a tramitación da subvención, que será a primeira en asinarse este ano, polo que é unha realidade inminente”, indicou.
A Deputación de Lugo executará así coa “máxima dilixencia” o compromiso adquirido en novembro con alcaldías da comarca de Sarria, nas que se ofreceu colaboración económica para manter o matadoiro municipal de Sarria como servizo público con cargo aos orzamentos de 2025. A área de Rural achegará 50.000 euros ao Concello de Sarria para esta finalidade.
