Dos 305.718 quilos de uva recollidos ata o pasado domingo, 7 de setembro, contabilízanse 97.989 quilos de uvas tintas, principalmente Mencía (85.715 kg), xunto con Garnacha, Brancellao e Merenzao; mentres que as uvas brancas alcanzaron os 207.729 quilos, con predominio de Godello (189.623 kg), seguidas de Albariño, Treixadura e Dona Branca.
Consciente da importancia da vendima no desenvolvemento vitivinícola e económico da Ribeira Sacra, o Consello Regulador vén de informar á prensa nun comunicado que “mantén o seu compromiso coa transparencia. Por iso, durante todo o período de vendima comunicará semanalmente a evolución da campaña”.
Os datos difundiranse a través de notas de prensa e tamén das redes sociais e da páxina web oficial da Denominación de Orixe.
Variedades tintas: 97.989 kg
Mencía: 85.715 kg, Garnacha: 941 kg, Brancellao: 1.006 kg, Merenzao: 10.327 kg, Caiño: 0 kg, Grao Negro: 0 kg, Mouratón: 0 kg, Sousón: 0 kg, e Tempranillo: 0 kg.
Variedades brancas: 207.729 kg
Albariño: 13.349 kg, Godello: 189.623 kg, Treixadura: 2.926 kg, Branco Lexitimo: 0 kg, Dona Branca: 1.831 kg, Loureira: 0 kg, e Torrontés: 0 kg.
