Os fondos permitirán ao Concello mercar e facer unha obra de instalación dun box de inmobilizado para atordado de vacún con empuxe e suxeición da cabeza que cumpra coa normativa vixente.

Arias subliñou que se trata dunha actuación prioritaria para a comarca de Sarria, onde o sector agrogandeiro é estratéxico. A zona rexistra unha intensa actividade agropecuaria  e alberga un número importante de salas de despece e pequenos talleres cárnicos, polo que o matadoiro é de grande interese para o sector.

Esta medida forma parte da acción da Xunta para impulsar o sector primario da provincia, contribuíndo a que os gandeiros locais poidan comercializar os seus produtos en instalacións próximas e reducindo así os custos.