InicioEconomíaO CCU de Monforte renova convenio financieiro para facilitar o acceso a...

O CCU de Monforte renova convenio financieiro para facilitar o acceso a crédito dos asociados

ABANCA e o Centro Comercial Urbano de Monforte renovan a súa colaboración co obxectivo de mellorar o acceso ao crédito dos autónomos e pemes e impulsar o comercio local.

Publicado o

- Advertisement -

O convenio facilita que os comerciantes asociados accedan a unha ampla oferta financeira con condicións melloradas respecto ao mercado. Os asociados poderán contratar produtos como préstamos persoais e hipotecarios, pólizas de crédito, leasing mobiliario, anticipos, avais ou liñas de desconto comercial.

Os profesionais pertencentes ao CCU tamén se beneficiarán de tarifas personalizadas na alta e o mantemento dos dispositivos TPV; das liñas de financiamento especial do Plan Activamos, liña aberta polo banco e a Deputación de Lugo e do Programa Cero Comisións, que permite deixar de pagar polo mantemento das contas e tarxetas, pero tamén polas transferencias, ingresos de cheques ou outros servizos habituais.

Ponse a disposición dos asociados o servizo de banca a distancia e persoal especializado en xestión de seguros, que informará das pólizas que mellor se adapten ás necesidades de cada asociado.

O Centro Comercial Urbano Monforte naceu no ano 2003 e o seu obxectivo principal é defender os intereses das máis de 150 empresas e negocios desta área de influenza, así como realizar proxectos orientados a promocionar as actividades que desenvolven na zona.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...